Қазақстан Республикасының Президенті Н. Назарбаевтың Жарлығымен Әл-Фараби атындағы ҚазҰУ-дың профессоры, филология ғылымдарының докторы, Халықаралық Айтматов академиясының академигі, көрнекті әдебиеттанушы, ҚазҰУ жанындағы Абай ғылыми-зерттеу институтының директоры Жанғара ДӘДЕБАЕВ мемлекеттік «ҚҰРМЕТ» орденімен марапатталды.

Абай ғылыми-зерттеу институты ардақты ғалым-ұстазды, қайраткер басшыны осы Мемлекеттік марапатымен шын жүректен құттықтай отырып, зор денсаулық, шығармашылық табыс, ұзақ өмір тілейді.

Указом Президента РК выдающийся литературовед, доктор филологических наук, профессор, академик Международной академии Ч. Айтматова, директор Института Абай при КазНУ имени аль-Фараби  Жангара ДАДЕБАЕВ был награжден государственным орденом «ҚҰРМЕТ» накануне Дня независимости Республики Казахстан.

Коллектив НИИ Абай при КазНУ имени аль-Фараби от души поздравляет заслуженного деятеля науки, талантливого педагога с такой замечательной наградой и желает крепкого здоровья, долгих лет жизни и творческих успехов.

The outstanding specialist in literature, doctor of philological sciences, professor of Al-Farabi Kazakh national University, and academician of the International Academy Ch. Aitmatov Zhangara Dadebayev was awarded the medal “Kurmet” on the eve of the Independence Day of the Republic of Kazakhstan.

The staff of the institute Abai heartily congratulates the honored scientist, a talented teacher with such a great reward and wishes him good health, long life and great success.

   Ел бірлігі, ұлт болмысы мен рухы, интеллектуалды тұлғаны қалыптастыру, интеллектуалдық сананы көтеру,  бүгінгі қазақтануды таныта білген, болмысынан текті, кемел тұлға. Абайдың өмірдегі, өнердегі, өлеңдегі зиялылығын өмірлік қағидасы тұтқан бекзат жан. Бұл сөздердің бәрі жақында ғана дүниеден өткен абзал жан, ұстаз, ғалым Жақан Молдабековке тән.

                   _______________________________________________________________________

    Қайнаған соғыстың ортасында дүниеге келген Жақан Жанболұлы  мектепті үздік бітіргесін комсомолдық жолдамамен туған жерінде екі жыл шопан болып жұмыс істейді. Бұдан кейін қарапайым қазақ баласы арман арқалап, М.В. Ломоносов атындағы Москва мемлекеттік университетінің (МГУ) философия факультетіне оқуға түседі. Арасында 3 курста оқып жүргенде студент Жақан Молдабеков армияға шақырылып, әуе әскер құрамында қызмет етеді. Армиядан оралып, оқуын жалғастырады, профессор Арчиль Якимович Ильиннің жетекшілігімен диплом жұмысын үздік қорғап, аспирантураға қалады.  Аспирант кезінде оның ғылыми жетекшісі  көрнекті философ, профессор, академик Иван Тимофеевич Фролов болды. Аспирант кезіндегі жемісті еңбегі мен белсенділігі ескеріліп, академик  Б.М. Кедров бастаған СССР ғылыми топтың құрамында ІV халықаралық конгреске қатысады. Бұл жас Жақанның ғылымға басқан алғашқы қадамы еді.

    Елден Мәскеуге бозбала боп кеткен  Жақан аға елге жас ғалым боп оралды, еңбек жолын С.М.Киров атындағы ҚазМУ-де аға оқытушылықтан бастады, доцент болып қызмет атқарады.  Одан кейін АЗВИ-де  философия және ғылыми коммунизм кафедрасының меңгерушісі болып жүріп,  «Идеологический процесс как предмет социально-философского исследования» тақырыбы бойынша докторлық диссертациясын қорғады.    Әл-Фараби атындағы ҚазҰУ-дың дайындық факультетінің, кейін философия және саясаттану факультетінің деканы болып жұмыс істейді.

    Өмірінің ақтық сәтіне дейін «Дінтану және мәдениеттану» кафедрасының профессоры болып қызмет атқарды, дәріс оқыды, шәкірт тәрбиеледі, оның жетекшілігімен 5 кандидаттық, екі докторлық диссертация қорғалды.

    Жақан аға өзінің саналы ғұмырында тынымсыз еңбек етті: 500-ден астам ғылыми еңбек,  соның ішінде 2 оқулық, 10 оқу құралын,  3 монография жазды. Жақан ағаның көп мақалалары поляк, түрік, ағылшын, корея, испан тілдерінде жарық көрді. Варшава, Анкара университеттерінде дәріс оқыды. Осындай үздіксіз ғалымдық еңбегінің арқасында профессор Ж.Ж Молдабеков әлеуметтану ғылымы академиясының академигі, халықаралық акедемиялық ғылымдар академиясының (Санкт-Петербург) академигі атанды.

    Поляк тілінде «Kasachtan. Historia – pojitika» (Warszawa, 2000)  монографиясы жарық көрді,  «Мәдени мұра» бағдардамасы бойынша  «Ежелгі шығыс» (2005),  «Жаңа дәуір философиясы»  (2006), «Қазақтың халық философиясы» (2006), «Қазақ би-шешендерінің дүниетанымы мен философиясы»  (2007), «Қазақ ақын-жырауларының дүниетанымы»  (2008) томдарының жарық көруіне  тікелей жетекшілік жасады.

   Көп жылғы жемісті ғылыми-педагогикалық жұмыстары тиісті бағасын алды. Іргелі ғылыми ізденістері үшін президенттік гранттың, «Әл-Фараби атындағы ҚазҰУ-дың ең үздік оқытушысы», республикалық «Жоғары оқу орындарының ең үздік оқытушысы» атағының иегері атанды, «Ы. Алтынсарин атындағы сыйлықтың» жүлдегері болды. Ойшылдық үлгісін көрсеткен Жақан аға «қазағым» деп, іргелі монография, сонымен қатар  өлең де  жазды, 3 жинақтың авторы.

    Ғалым соңғы ширек ғасыр бойы егемендігін алған елдегі адамгершіліктің төрт ұстанымын – адамдықты арттыру, тұлғалықты тұрақтату, азаматтың кісілігін көтермелеу, тұлғалық қарым-қатынасты нығайту мәселелеріне, Абайдың даналығы мен шешендігіне қатты көңіл бөлді. Өйткені, Абай қазақтың елдігі мен еңселілігін қалады, еркіндігі мен егемендігін аңсады. Сол үшін қазақты сынай отырып, оның қадір-қасиетін көтерді, соған күш салды. Осы Абайдың өмірі мен өлеңдерінен Жақан аға рухани күш алды. «Қазақтану» еңбегін жазды.

    Осыдан 5 жыл бұрын Алматыда 2013 жылы 9 қарашада «Бар қазақ – бір қазақ: діни-мәдени аспектілері» ғылыми-зерттеу жобасы аясында «Қазақтану және ұлттық инновация» деген тақырыпта халықаралық ғылыми-теориялық конференция өткен болатын. Бұл жиын Қазақстанның әлеуметтік ғылымдар академиясының академигі Жақан Молдабековтің 70 жылдық мерейтойына арналды. Сол дүбірлі жиында философия ғылымдарының докторы С.И.Оспанов   үлкен философ Жақан Молдабековті «Қазақтың Демосфен рухындағы тұлғасы»  деп бағалаған болатын.

Габитов Т.Х философия ғылымдарының докторы, профессор

Жексембі Ә.А Әл-Фараби атындағы ҚазҰУ, «Мәдениеттану»

мамандығының магистранты

    «Дөңгелек үстел» университетаралық деңгейде жүргізілді. Аталған іс-шараға ҚМДБ жанындағы Республикалық имамдардың білімін жетілдіру ислам институтының директоры Мырзабаев К. Қ., ҚМДБ жанындағы Республикалық имамдардың білімін жетілдіру ислам институтының іс басқарушысы Манапов Е., Нұр Мүбарак Египет ислам мәдениеті университетінің оқытушысы Сейтмаматов Н., дінтану және мәдениеттану кафедрасының профессоры Борбасова Қ және исламтану, дінтану мамандығының студенттері мен магистранттары қатысты.

    «Дөңгелек үстелді» модератор ретінде профессор Құрманалиева А.Д жүргізіп, мәселенің жан-жақты талқылауына басшылық жасады. Талқылаудың барысында іс-шараға қатысқан қонақтар сөз алып, исламдық білім беру жөніндегі мәселелерді шешу жолындағы өз ойларын ортаға салды.

    Пікір алмасу барысында қатысушылар бір қатар мәселелерді көтерді. Ұсыныстар беріп, көкейіндегі сұрақтарға жауап алды. Қазақстандағы исламдық білім беру жүйесін одан әрі нығайтуға бағытталған «дөңгелек үстел»  өте жоғарғы деңгейде өтті.

Курманалиева А.Д

Философия ғылымдарының докторы, профессор

Орынбеков Н.А

Дінтану мамандығының 2 курс магистранты

Көрнекті әдебиеттанушы ғалым, ұстаз, филология ғылымдарының докторы, профессор, Қазақстан Республикасы  Жоғары мектеп Ұлттық ғылым академиясының, Қазақ Білім академиясының, Халықаралық Жоғары мектеп ғылым академиясының, Халықаралық Айтматов академиясының  академигі ЖАНҒАРА ДӘДЕБАЕВТЫ 70 жасқа толған мерейтойымен шын жүректен құттықтаймыз!

Ардақты ҰСТАЗЫМЫЗҒА ұзақ ғұмыр, қажымас қайрат, шығармашылық табыстар, отбасына ырыс, береке тілейміз! Мерейіңіз тасып, құрметіңіз арта берсін!

 Үлкен құрметпен, шәкірттері.

Ж. ДӘДЕБАЕВТЫҢ ҒЫЛЫМИ-ПЕДАГОГИКАЛЫҚ,

ҚОҒАМДЫҚ ҚЫЗМЕТІНІҢ ҚЫСҚАША ОЧЕРКІ

Дəдебаев Жанғара Дəдебайұлы 1948 жылы 15 қарашада Жамбыл облысы Талас ауданындағы Талдыауылда дүниеге келген. Әкесі Байқонысов Дәдебай – Еңбек Ері болған кісі.

Ж. Дәдебайұлы әл-Фараби атындағы Қазақ ұлттық университетінің филология факультетін бітірген. Филология ғылымдарының докторы (1992), профессор (1994). Ғылыми мамандығы – әдебиеттану. Қазақстан Жазушылар одағының (1990), Қазақстан жоғары мектебі Ұлттық ғылым академиясының (2002), Халықаралық Айтматов академиясының (2003), Халықаралық жоғары мектеп ғылым академиясының (2004), Қазақ білім академиясының (2006) мүшесі. «Қазақстан Республикасы Білім беру ісінің үздігі» белгісімен (1998), «Қазақстан Республикасының Тәуелсіздігіне 10 жыл» мерекелік медалімен (2002), «Ыбырай Алтынсарин» белгісімен (2009), «әл-Фараби атындағы Қазақ ұлттық университетіне 75 жыл» (2009), «әл-Фараби атындағы Қазақ ұлттық университетіне 80 жыл» (2009) мерекелік медальдарымен марапатталған.

Еңбек жолын 1968 жылы ауыл мектебінде бастауыш сынып мұғалімі болып бастады. 1970-1975 жылдары аталған университетте оқыды, 1975-1977 жылдары М.О. Əуезов атындағы əдебиет жəне өнер институтында қызмет етті, 1977-2008 жылдары өзі оқыған университетте ассистент, аспирант, аға оқытушы, доцент, докторант (АҒҚ), профессор, декан, кафедра меңгерушісі, проректор, 1990-1991 жылдары, университеттегі ұстаздық қызметінен қол үзбей, Ы. Алтынсарин атындағы педагогикалық ғылыми-зерттеу институтының (қазіргі Білім академиясының) директоры болды. 2009 жылдан бермен қарай университетте профессор, университет жанындағы Абай ғылыми-зерттеу институтының директоры.

Жанғара Дəдебайұлы – көрнекті ғалым. Оның жеке авторлығымен 600-ден астам еңбегі жарияланды. Зерттеу нысаны – жазушы еңбегі, жазушының шығармашылық лабораториясы, әуезовтану, абайтану, тарих және әдебиет, халықтың дәстүрлі мәдениеті. Ғалымның ғылыми жетекшілігімен 20-дан астам кандидаттық жəне докторлық диссертация қорғалды.

Ж. Дәдебайұлының ғылыми жұмыстары бірнеше деңгейден тұрады. Олардың проблемалық маңыздылығының деңгейі әдебиеттану саласындағы жаңа бағыт негізін қалауымен сипатталады. Пәндік деңгейде ғалымның зерттеулері қазақ әдебиеті мен ол туралы ғылымның оқу және ғылым пәні  ретінде дамуына елеулі үлес қосты. Сонымен қатар автордың жұмыстары пәнаралық сипатқа ие. Бұл деңгейде оның зерттеулерінің бірқатар ғылым салалары үшін, атап айтқанда, әдебиеттану, фольклористика, тарих, этнография және мәдениеттану ғылымдары үшін маңызды мәні бар.

Зерттеуші еңбектерінде тұжырымдалған қорытындылар мен қағидалар тиісті ғылыми деректермен, дәйектермен жете пысықталған және дәлелденген. Ғылыми қағидалар мен қорытындылардың айқындығы және анықтығының жоғары деңгейі зерттеудің теориялық және әдіснамалық негізінің байлығымен, пайдаланылған қолжазба және архивтік материалдардың даралығымен,   маңыздылығымен өлшенеді. Ғалымның «Өмір шындығы және көркемдік шешім», «Жазушы еңбегі», «Абайдың антропологизмі», «Шешендік өнер теориясының негіздері» монографиялары жаратылысы бөлек, дара   сипаттағы еңбектер қатарына жатады. Оларда жазушының өмірлік материалдарды көркемдік жинақтау ерекшеліктері мен шеберлік сырлары байымдалған. Шығармашылық жинақтау процесінде тарихи болмыстың, шындық құбылыстардың өзара байланыстары, сабақтастығы, саралану, даралану сипаттары мен толысу, тұтасу жолдары мынадай бірнеше деңгейде анықталған: а) жеке оқиға; ә) оқиғаның жеке бір қыры; б) тектес оқиғалардың бір тобы мен олардың түрлі қырлары; в) оқиғалардың толық жүйесі мен олардың барша қырлары. Зерттеу нәтижелері соны. Олар қазақ әдебиеттануында болмаған, ғылыми айналымдағы болжамдардан принципті түрде өзгешелігі бар жаңа қорытындылар мен қағидаларды қалыптастырды. Бұл қорытындылар мен қағидалар қазақ сөз өнері жөніндегі теориялық ойларды өзгертіп, байыта түсті, қазақ әдебиетінің және ол туралы ғылымның дамуына елеулі үлес болып қосылды.

Ж. Дәдебайұлы үшін жазушының шығармашылық даралығы мен ғалымның зерделеу-зерттеу тұрғысын танып-таразылаудың мәні зор. Ол бұларды барынша мұқият, жан-жақты зерделеп зерттейді. Зерттеу, зерделеу пәнінің тереңіне бойлайды. Сол арқылы ол әрбір адам өз кәсібін беріліп сүюге тиіс екенін, оған зор құрметпен және жауапкершілікпен қарау керектігін ұғындырады. Заманымыздың ғұлама ғалымдары С. Қирабаев, З. Қабдолов, З. Ахметов, Т. Кәкішев, М. Мырзахметов, М. Жолдасбеков, жазушылар Ш. Айтматов, Б. Момышұлы, І. Есенберлин, Б. Нұржеке, ақын Т. Молдағалиев, әдебиет сыншылары Т. Тоқбергенов, С. Әшімбаев, С. Жұмабек және басқа шығармашылық тұлғалардың портреттері – автордың оларға деген адамгершілік құрмет сезіміне толы. Мұның өзі автордың әрі зерттеуші, әрі әдебиет сыншысы және эссе шебері ретіндегі шығармашылық ізденісінің ерекшелігін көрсетеді. Жанғара Дәдебайұлының әдебиет зерттеушісі, әдебиет сыншысы және эссеші ретіндегі шығармашылық даралығының өзіндік ерекшелігі осында.

Ж.Дәдебайұлы әдебиеттану профессорына тән көркем, бейнелі, дәлелді баяндаудың негізгі құралдарын және лекторлық шеберліктің басты әдіс-тәсілдерін жетік игерумен бірге соның бәрін өз лекцияларының әр түрлі циклдерінде немесе бір лекциясының әр түрлі бөліктерінде шебер қолданады. Лекция – ғалым-ұстаздың педагогикалық және ғылыми-педагогикалық қызметінде ең басты әрі ең маңызды іс. Ол өзінің лекцияларын үлкен шабытпен тартымды оқиды, аудиторияны пафоспен баурайды, бірақ ешқашан арнасынан аспайды, тым қарабайырлыққа да ұрынбайды, әр сөзіне қорғасындай салмақ, мағына дарытады. Терең мазмұндылық пен қарапайымдық, шынайылық пен айқындық — міне, Ж.Дәдебайұлының лекторлық шеберлігінің басты қасиеттері осындай. Бұл оның ұстаздық ісіне байыпты, мазмұнды, сыпайы, сұлу сипат береді.

1993-1998 жылдары Ж.Дəдебайұлының басшылығымен көп сатылы жоғары білім деңгейлері бойынша университеттік филологиялық білім беру тұжырымдамасы жасалды, соның негізінде университеттік филологиялық білім берудің бірінші жəне екінші басқыштары үшін мемлекеттік стандарттар, біліктілік сипаттамалары жəне типтік оқу жоспарлары, бағдарламалар дайындалып, өндіріске енгізілді, оқу пәндері оқу-әдістемелік құралдармен қамтамасыз етілді.

2002-2008 жылдары ол əл-Фараби атындағы Қазақ ұлттық университетіндегі оқу жəне оқу-əдістемелік саладағы барлық жұмыстарды үйлестіру, басқару ісімен шұғылданды. Оның басшылығымен жəне тікелей қатысуымен университеттің интеллектуалдық ресурстарының даму бағдарламасы дайындалды. Жоғары және жоғары білімнен кейінгі білім беру деңгейлері бойынша мемлекеттік үлгідегі диплом жобасы жасалды, ол тиісті мемлекеттік атқару жүйесінде тиісті тәртіпте бекітілді, университеттің білім беру қызметі саласында инновациялық технологиялар, Сапа менеджменті жүйесі жасалып, өндіріске енгізілді. Аталған жүйе сапаны басқарудың тиімді əдісі ретінде маман дайындаудың сатылары мен кезеңдерін ұдайы жақсартудың жəне білім беру үдерісін тұтастай жаңартудың таптырмас тетігі қызметін атқарды. Бұл үлкен жетістік еді. Осы жетістіктері үшін университет Қазақстан жоғары оқу орындары ішінде бірінші болып Қазақстан Республикасы Президентінің «Сапа саласындағы жетістіктері үшін» сыйлығының лауреаты (2006 ж.) атанды, ТМД елдері арасында өткен осындай конкурстың дипломанты (2008 ж.) атағына иеленді.

2010-2018 жылдары университет жанындағы Абай ғылыми-зерттеу институтының ғылыми-ақпараттық ресурстарын қалыптастыру мақсатында Ж.Дəдебайұлының басшылығымен және тікелей қатысуымен жүргізген ұйымдастыру, басқару жұмыстарының нəтижесінде «Абайтану» сериясы бойынша көптомдық еңбектердің 36 томы дайындалып, жарыққа шығарылды, абайтану саласындағы ғылыми мектептердің зерттеу нəтижелерінің ғылыми-ақпараттық базасының цифрлық негізі жасалды. Бұл – отандық абайтану ғылымы саласындағы аса құнды рухани байлық.

Қазақстан Жазушылар одағының, ҚР Жоғары мектеп Ұлттық ғылым академиясының, Халықаралық Жоғары мектеп ғылым академиясының, Қазақ Білім академиясының, Халықаралық Айтматов академиясының мүшесі ретінде ол өзінің интеллектуалдық қуатын білім мен ғылымның, қоғамдық сананың дамуы жолында жұмсауда.

Ж.Дəдебайұлы шығармашылық еңбегімен, қоғамдық жəне ғылыми-педагогикалық қызметімен жоғары білім мен ғылымның, қоғамдық сананың дамуына лайықты үлес қосты.

ФИЛОЛОГИЯ ЖӘНЕ ӘЛЕМ ТІЛДЕРІ ФАКУЛЬТЕТІ

ШЕТЕЛ ФИЛОЛОГИЯСЫ ЖӘНЕ АУДАРМА ІСІ КАФЕДРАСЫ

АҚПАРАТТЫҚ ХАТ

ҚҰРМЕТТІ ӘРІПТЕСТЕР!

Әл-Фараби атындағы Қазақ ұлттық университеті филология және әлем тілдері факультетінің шетел филологиясы және аударма ісі кафедрасы «Рухани жаңғыру» бағдарламасы аясында аса көрнекті әдебиетші ғалым, филология ғылымдарының докторы, профессор, Қазақстан Жоғары мектеп Ұлттық  ғылым академиясының академигі, Қазақстан Жазушылар Одағының мүшесі Жанғара Дәдебаевтың 70 жылдық мерейтойына арналған «ХХІ ҒАСЫРДАҒЫ ФИЛОЛОГИЯ ҒЫЛЫМДАРЫ: ҰЛТТЫҚ КОД ЖӘНЕ КӨРКЕМДІК ТАНЫМ» атты Халықаралық ғылыми-әдістемелік конференция ұйымдастырады. Конференция 2018 жылы 23 қарашада, сағ.15.00-де әл-Фараби атындағы ҚазҰУ-дың 15 қабатында өтеді.

Конференция жұмысына Қазақстан, алыс және жақын шет елдердің жоғары, орта оқу орындарының оқытушылары, докторанттар мен магистранттар,  филолог-ұстаздар шақырылады.

Конференция жұмысының негізгі тақырыптық бағыттары:

1. Әдебиеттегі өмір шындығы және көркемдік шешім мәселесі
2. Ұлттық код және тілдік тұлға
3. Әдеби сынның өзекті мәселелері
4. Қазіргі филологиядағы антропоөзектік парадигмалар
5. Компаративистика және көркем аударма

Конференцияның жұмыс тілдері: қазақ, орыс, ағылшын. Конференцияға қатысу түрі: тікелей, сырттай.

Баяндаманы дайындауға  қойылатын талаптар:

Қатысу  туралы өтінішіңізге қоса электрондық және баспа түріндегі материалыңызды (5-6 бетке дейін, word редакциясымен Windows үшін) жіберуіңізді сұраймыз:  Times New Roman  шрифтінде 14 кегльмен ( қазақ, орыс және ағылшын тілдеріндегі материалдар үшін K Times New Roman  шрифтінде 14 кегльмен ) басып, файлды өз фамилияңызбен атаңыз.

МАТЕРИАЛДАРДЫ БЕЗЕНДІРУ ЕРЕЖЕСІ:

• Беттің ортасына мақаланың атауы көрсетіліп, төменгі  оң  жақ  бұрышына автордың аты-жөні,  астына ұйымның, қаланың атауы  жазылады.
• Жол шеті: үсті –20 мм, асты –20 мм, сол жағы –20 мм, оң жағы –20 мм.
• Жол арасы — 1 интервал.
• Ені бойынша теңестірілуі керек.
• Мақаланың атауы.
• Автордың аты-жөні;
• Қаланың және ұйымның атауы
• Қазақ және орыс тілдерінде қысқаша резюме (1-3 сөйлем)

Ұйымдастыру комитеті конференцияның тақырыбына немесе ғылыми мақалаларды рәсімдеу талаптарына сай келмейтін ғылыми мақалаларды қабылдамауға құқығы бар. Материалдар жинағының шығарылуы конференцияның басталуына дейін жоспарлануда.

Мақалалар, өтініштер және сканерленген төлем түбіртектері келесі мекенжай бойынша zhinaq70@gmail.com  2018 жылдың 15 қарашасына  дейін жіберіледі.  Мақала және өтініш жеке файлдар түрінде жіберілуі тиіс. Мақала бар файлдың атауын мақала авторы және «мақала» деген сөзбен (мысалы: Оспанова Д.А. Мақала) көрсетіңіз; ал өтініш сәйкесінше автордың аты-жөні мен  «өтініш» сөзінен тұру керек (мысалы: Оспанова Д.А. Өтініш). Ақпараттық хатта көрсетілген шарттардың сақталуына назар аударуларыңызды сұраймыз.

Мақаланы жариялау үшін ұйымдастыру жарнасы — 3000 теңге. Жарнаны мына есепшотқа жіберулеріңізді сұраймыз: ЖСН 700 915 400 849; Kaspi Gold 5169 4931 4761 4211. Конференцияға қатысуға байланысты барлық шығындар қатысушының өз есебінен төленеді.

Конференцияның өтетін жері: Алматы қаласы, әл-Фараби даңғылы, 71, ҚазҰУ-дың Бас ғимаратының 15 қабаты, мәжіліс залы. Тіркеу 2018  жылдың 23 қарашасында  сағат 14.00 басталады.

Ұйымдастыру комитетінің мекенжайы: 050040, Алматы қ., әл-Фараби даңғ., 71, әл-Фараби атындағы ҚазҰУ, филология және әлем тілдері факультеті, 309 кабинет, шетел филологиясы және аударма ісі кафедрасы (ауд. 309) 221 13 23

Барлық мәселелер бойынша конференцияның жауапты хатшыларына хабарласыңыздар:

ф.ғ.к., профессор м.а. Мұсалы Ләйла Жұматайқызы, +7 701 270 18 68

ф.ғ.к., доцент Малика Мұратқызы Аймағанбетова, +7 702 330 70 75

филология магистрі Жанар Амангелдіқызы Жақыпова +7 775 081 89 84

«ХХІ ҒАСЫРДАҒЫ ФИЛОЛОГИЯ ҒЫЛЫМДАРЫ: ҰЛТТЫҚ КОД ЖӘНЕ КӨРКЕМДІК ТАНЫМ» атты Халықаралық ғылыми-әдістемелік конференцияға қатысуға өтініш

23 қараша 2018 жыл, сағ.15.00

2018 жылы 20 маусымда әл-Фараби атындағы ҚазҰУ-дың филология және әлем тілдері факультетінде Абай ғылыми-зерттеу институты дайындаған  «АБАЙТАНУ. ТАҢДАМАЛЫ ЕҢБЕКТЕР» ХІ-ХХХV томдарының таныстырылымы өтті.  Рәсімді Институт директоры ЖАНҒАРА ДӘДЕБАЕВ жүргізіп отырды. Жиынға филология ғылымдарының докторы, профессор, абайтанушы ғалым МЕКЕМТАС МЫРЗАХМЕТҰЛЫ, филология ғылымдарының докторы, АБАЙ атындағы ҚазҰПУ-дың профессоры БАЛТАБАЙ ӘБДІҒАЗИЕВ, филология ғылымдарының докторы, профессор, М.Әуезов атындағы Әдебиет және өнер институтының директоры УӘЛИХАН ҚАЛИЖАНОВ, филология ғылымдарының кандидаты, М.Әуезов атындағы Әдебиет және өнер институты Абайтану бөлімінің  профессоры СЕРІКҚАЗЫ ҚОРАБАЙ, М.Әуезов атындағы Әдебиет және өнер институтының докторанты, Абай шығармаларының текстологиясын зерттеп жүрген жас ғалым ЕРКІН ҒАЛЫМОВ, «ҒЫЛЫМ ОРДАСЫ» және ҰЛТТЫҚ КІТАПХАНАНЫҢ қызметкерлері қатысты, оларға «Абайтану. Таңдамалы еңбектер» томдары тапсырылды. Кітапхана қызметкерлері болашақта бұл жинақтардың электронды нұсқасын таратуға үлес қосатындарын айтты. Сондай-ақ, жинақты шығаруға атсалысқан ҚазҰУ ғалымдары профессор ЗИНОЛ-ҒАБДЕН БИСЕНҒАЛИ, филология ғылымдарының кандидаты, доцент МҮБӘРАК ҮМБЕТАЕВ, ЛӘЙЛА МҰСАЛЫ, ПАЗЫЛ БИСЕНБАЕВ, БАҚЫТҚОЖА БАЯЗИТОВ т.б. ғалымдар қатысты.

Ғалымдар бұл кітаптардың абайтану ғылымына қосылған үлкен үлес екенін атап өтті. Абай институтының директоры, көрнекті әдебиеттанушы Жанғара Дәдебаевқа және жинақты құрастырушыларға  алғыс білдірді.

Ләйла МҰСАЛЫ, әл-Фараби атындағы ҚазҰУдың доценті

Отыз екінші томға филология ғылымдарының докторы, профессор Балтабай Әбдіғазиұлының «Абай және Шәкәрім әлемі» атты еңбегі енді. Ғалымның еңбегінде ұлы ойшыл Абайдың, Абайдың әдеби дәстүрін жалғастырушы Шәкәрім Құдайбердіұлының шығармашылығы туралы сөз болады.

Отыз үшінші томда профессор Ы.М. Палтөренің зерттеу еңбегі беріліп отыр. Онда Aбай шығaрмaлaрының ортaғaсырлық түркі жaзбa ескерткіштерімен сaбaқтaстығы сөз болaды. Aқын шығaрмaлaрындaғы діни aстaры бaр aрaб сөздері мəнмəтін aясындa Құрaн жəне хaдис мəтіндерімен бaйлaнысты қарастырылып, лингвогерменевтикaлық тaлдaу жaсaлaды.

Отыз төртінші томда Абайдың өмірбаянына қосымша деректер, мәліметтер, сондай-ақ Семей қаласындағы Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық-музейі қызметкерлерінің еңбектері, ойлары мен толғаныстары берілді.

«Абайтану. Таңдамалы еңбектер» басылымының отыз бесінші томында Абайдың шығармашылық мұрасын пәнаралық зерттеудің басты нәтижелері қорытылып, сараланған. Том кіріспеден, тоғыз бөлімнен, қорытындыдан, пайдаланылған дерек көздерінен, қосымшалардан тұрады.

Бұл еңбектерде абайтану ғылымының өзекті мәселелері қарастырылған. Томға енген еңбектер абайтанушыларға, магистранттар мен докторанттарға, Абай мұрасын білмекті парыз тұтқан білім алушы жастарға және көпшілікке арналған. Том 3979/ГФ4 – «Абай Құнанбаевтың шығармашылық мұрасын пәнаралық зерттеу» бағдарламасы аясында дайындалып, жарық көріп отыр.

Мұсалы Л.Ж., әл-Фараби атындағы ҚазҰУ-дың доценті

Мұсалы Ләйла, Әл-Фараби атындағы ҚазҰУ-дың доценті

Әл-Фараби атындағы ҚазҰУ,

дінтану және мәдениеттану кафедрасының доценті Аликбаева М.Б.,

4 курс «Мәдениеттану» мамандығының студенті Зейнуллин Р.Б.

Мәдениетті ғылыми тұрғыдан зерттеп-зерделеп, ашығын айшықтап, ағы мен қарасын сараптайтын ғылым саласы-мәдениеттану деген атауға ие. Әлемдік, ұлттық мәдениет тарихы мен сипатын сараптап, болжалдық – аналитикалық ерекшелікке мән беру, сондай-ақ саяси тұстарын бағамдау, басқаша айтқанда мәдени саясат ережелерін қалыптастыру, философиялық мәнге ие ежелгі, орта және жаңа, бүгінгі заман ғалымдарының саналық-ойлық жақтарын бағалау, психологиялық тұрғыдан жеке тұлға мәдениетінің қалыптасу заңдылықтарын қарастыру, әлеуметтік жағынан қоғам топтарының ерекшеліктеріне сай мәдениет феноменінің ондағы рөлін анықтау, тағы бір маңызды бөлім- экономикалық тұсы. Өркениет көріністері мен табиғи, тарихи-мәдени ескерткіштер көптеген елдер экономикасының маңызды бөлшегі болғалы қашан, ол-туризм, яғни, мәдениеттің маркетингтік-менеджерлік және финанстық әлеуеті өте жоғары. Мәдениет – аса кең мемлекетішілік интеграция процестері мен ортақ идеологияға басты құрал болып табылады. Бұл тек бір сыпырасы екенін айта кеткен жөн. Әл-Фараби атындағы ҚазҰУ, философия және саясаттану факультеті, дінтану және мәдениеттану кафедрасы – аталмыш мамандық иелерін дайындайтын бірден-бір озық базалық жүйеге ие.

Әл-Фараби атындағы ҚазҰУ,

дінтану және мәдениеттану кафедрасының профессоры Исмагамбетова З.Н.

«Мәдениеттану» мамандығының 4 курс студенті Жексембай Мадина